Auto remove container

Proyektimiz containerda ishga tushirishni o'rgandik. Ammo ma'lum vaqt o'tgandan keyin proyektga qandaydir o'zgarishlar kiritishimiz mumkin. Agarda proyektga o'zgarish kiritilsa, bu o'zgarishlar image va containerga ta'sir qilmaydi va o'zgarishlar natijada ko'rinmaydi.

Chunki joriy container proyektning eski holati bo'yicha qurilgan image asosida ishga tushgan. Imageni esa tahrirlab bo'lmaydi, ya'ni proyektdagi o'zgarishlarni imagega kiritib bo'lmaydi.

Bunday holatda faqat biz proyektning yangi versiyasi uchun yana boshida imageni qurishimiz kerak. Image qaytadan qurilgandan keyin bu proyektdagi o'zgarishlar containerda ham amalga oshishi uchun mavjud containerni qaytadan ishga tushirish o'rniga yangi image asosida yangi containerni ishga tushiramiz.

Hammasi tushunarli bo'lgan bo'lsa, navbatdagi holatga e'tibor qaratamiz.

Biz oldingi darslarda containerlar soni ortib ketmasligi uchun mavjud containerni qaytadan ishga tushirishni o'rgangandik. Lekin agarda proyektga o'zgarish kiritilsa, baribir yangi container yaratishga majbur bo'lamiz. Natija containerlar soni baribir ortib ketmoqda.

Shuning uchun bu holatga navbatdagi yechim bor. Qachonki biz docker run ... buyrug'i orqali containerni ishga tushirayotgamizda, qachonki shu container ishlashdan to'xtasa, avtomatik o'chib ketadigan qilishimiz mumkin. Ya'ni, agar container ishlashdan to'xtasa, xotiradan avtomatik o'chib ketadi.

Buning uchun containerni ishga tushirish buyrug'ini quyidagicha o'zgartirish kiritamiz:

docker run -p 3000:3000 --rm 0dbc94488402

--rm aynan container ishlashdan to'xtagandan keyin uni avtomatik o'chirib yuborishga javob beradi.